Tuesday, November 25, 2008

കണുവ: ഇതു താന്‍ ഡാ മാംഗ്ലൂര്‍ സ്റ്റയില്‍....


മടി എന്ന അസുഖ്ത്തിന്റെ ഉപദ്രവം ആസ്വദിച്ചു ചുമ്മാ എന്റെ ചതുരപ്പെട്ടിയില്‍ ഇരുന്നു സമയം തള്ളി നീക്കിയിരുന്ന എനിക്കു പെട്ടന്നു ഒരു തൊന്നല്‍ - കണുവയില്‍ പോയി ഊണു കഴിക്കണം.  

എന്തായാലും ഒരു വഴിക്കു ഇറങുവല്ലെ, ഒരു കൂട്ടാവട്ടെ എന്നു കരുതി എന്റെ സുഹ്രുത്ത് ജുബിയെയും കൂട്ടി കണുവ തപ്പി ഇറങി - ഈ കണുവ എന്ന പേരു കേട്ടിട്ടുണ്ട് എന്നല്ലാതെ അത്‌ എവിടെയാണെന്നു വലിയ പിടുത്തമൊന്നും ഇല്ലായിരുന്നു. ഓഫീസീന്നു ഇറങിറ്യിട്ടാണ്‌ വഴി അറിയില്ല എന്ന ബോധൊദയം വന്നത്‌. അവസാനം സര്‍ജാപൂര്‍ റൊഡിലെ കുറെ പൊടി തിന്നു മടുത്തപ്പൊ അടുത്തു കണ്ട ഒരു കഫെയില്‍ കയറി അഡ്രസ്സ് തപ്പി എടുത്തു - അങിനെ അവസാനം കണുവയിലെക്കുള്ള ഇടവഴി കണ്ടു പിടിച്ചു.  

ഒരു ഇടവഴിയുടെ അറ്റത്തായി, ഒരു ഫര്‍ണീച്ചര്‍ ഗോഡവുണിന്റെ മുകളില്‍ ആണ്‌ ഈ കണുവ - ഗോവണി കയറി മുകളില്‍ എത്തിയപ്പൊ അതുവരെ അവിടെ എത്താന്‍ എടുത്ത സകല പൊല്ലാപ്പും മറന്നു - നല്ല അടിപൊളി സെറ്റപ്പ്. സെമി-ഓപ്പണ്‍ ആണ്‌ മോത്തം സ്തലം, കൂടാതെ, അടുത്തൊന്നും വലിയ കെട്ടിടങള്‍ ഇല്ല - അതുകൊണ്ടു കാറ്റും വെളിച്ചവും ധാരളം... ഒരു പഴയ വീടിന്റെ പോലെയാണ്‌ കണുവ ഒരുക്കിയിരിക്കുന്നത്. ഞങള്‍ ചെന്നപ്പോ തിരക്കു ആയിട്ടില്ലയിരുന്നു - അതുകൊണ്ടു നല്ലൊരു സീറ്റ് തന്നെ കിട്ടി. മാംഗ്ലൂര്‍ രീതിയിലുള്ള ഭക്ഷണം ആണ്‌ കണുവയിലെ മെനു - രാസവസ്തുക്കള്‍, ക്രിത്രിമ നിറങള്‍ എന്നിവ ഒന്നും ഉപയോഗിക്കാതെയുള്ള പാചകം ഇവിടത്തെ പ്രത്യേകതയാണ്‌. വേറെ ഒരു സ്തലത്തും കാണാത്ത പല വിഭവങളും ഇവിടെ മെനുവില്‍ കണ്‍ടു.  

എന്ത് കഴിക്കണം എന് തീരുമാനിക്കാന്‍ ഞാനും ജുബിയും ശെരിക്കു വിഷമിച്ചു - എല്ലാം കഴിച്ചു നോക്കണം എന്ന് ആഗ്രഹമുണ്ടായിരുന്നെങിലും അവസാനം 'സോര്‍ന കാച്ചി'യും കരിമ്പിന്‍ ജ്യൂസും സ്റ്റാര്‍ട്ടര്‍ ആയി ഓര്‍ഡര്‍ ചെയ്തു. സോര്‍ന കാച്ചി - ചേമ്പ് നെടുകെ കനം കുറച്ച് അരിഞ്‌ വറുത്തെടുക്കുന്ന ഒരു പരിപാടി ആണ്‌. കുറേശെ ഇന്‍ജ്ജിയും നാരങയും ചേര്‍ത്ത കരിമ്പിന്‍ ജ്യൂസും സോര്‍ന കാച്ചിയും ഉഗ്രന്‍ ആയിരുന്നു,പക്ഷെ ജുബി പറഞ നാരങ വെള്ളം അത്ര പോരായിരുന്നു.  

മെയിന്‍ കോഴ്സ് ആയി 'സൂര്‍ന പാച്ചി'യും (മീഡിയം സ്പൈസി ആയ ഗ്രേവിയില്‍ പാകപ്പെടുത്തിയ ചേമ്പിന്‍ കഷ്ണങല്‍) 'സല്‍ക്കെ രണ്ഡേരി'യും ( സെമി ഗ്രേവിയില്‍ പാകം ചെയ്ത നെയ്മീന്‍) തിരഞെടുത്തു. മെയിന്‍ കോഴ്സിനുള്ള കറി ഓര്‍ഡര്‍ ചെയ്യുമ്പൊ കൂടെ കഴിക്കാണ്‍ ചോറ്, പാന്‍പോലെ, തവ റൊട്ടി, അരി കൊണ്‍ട് ഒണ്ടാക്കിയ ഒരുതരം ഉണ്‍ട - ഇവയിലെതെങിലും തിരഞ്ഞെടുക്കാം. ഞങള്‍ പാന്‍പോലെ (അരികൊണ്ടു ഉണ്ടാക്കിയ വളരെ നേര്‍മയുള്ള ഒരുതരം അപ്പം) ആണ്‌ കറിയുടെ കൂടെ പറഞ്ഞത്. സൂര്‍ന പാച്ചി ഒരു 'മൗത്ത് വാട്ടറിങ്, ഐ വാട്ടറിങ് ഡിഷ്' എന്ന് പറഞിരുന്നെങിലും കിട്ടിയപ്പൊ അതു ഐ വാട്ടറിങ് ആയിരുന്നില്ല, പക്ഷെ ശെരിക്കും മൗത്ത് വാട്ടറിങ് ആയിരുന്നു. മീന്‍ നല്ല ഫ്രഷ് ആയിരുന്നു - പാകത്തിനു പാചകം ചെയ്ത ആ മീങ്കറിയുടെ ടേസ്റ്റ് ഒന്നു വേറെ തന്നെ.  

ആദ്യം കണ്ട് പിടിക്കാന്‍ ഇച്ചരെ വിഷമമണെങിലും എത്തിപ്പെട്ടാല്‍ ആര്‍ക്കും ഇഷ്ട്പ്പെട്ട് പോകുന്ന ഒരു സ്തലമാണ്‌ കണുവ. നല്ല മാംഗ്ലൂരിയന്‍ ഭക്ഷണം കഴിക്കാന്‍ തോന്നുമ്പൊ തീര്‍ച്ച്യായും പോകാണ്‍ പറ്റിയ ഒരു സ്തലം. ശനിയോ ഞായറോ, വെള്ളിയാഴ്ച്ച വൈകുന്നേരമൊ പോകുവാണെല്‍ നെരെത്തെ ബുക്ക് ചെയ്യുന്നതു നന്നായിരിക്കും - ഞാന്‍ ഇപ്പൊ ഇടത്തിടെ അവിടെ പോകറുണ്‍ട്‌...  

Kanua 
Near Wipro Headquarters 
Kaikondanahally 
Sarjapur Road 
PH: 65374471

Wednesday, October 1, 2008

ബൊക്ക ഗ്രാന്റെ

ചുമ്മാ കൂട്ടുകാരോടൊത്ത് ഇരുന്നു കത്തിവക്കാന്‍ ആര്‍ക്കാ ഇഷ്ടമല്ലാത്തെ? ഇവിടെ ഈ ബാംഗ്ലൂരില്‍ തിരക്കു പിടിച്ച ജോലിക്കിടയില്‍ മിക്കവാറും അതിനൊന്നും സമയം ആര്‍ക്കും കിട്ടാറില്ല എന്നതാണു സത്യം.
വീണു കിട്ടുന്ന വാരാന്ത്യങള്‍ ആണ്‌ പിന്നെ ആകെ ഉള്ളത് - എല്ലാവരും കൂടി ഒത്ത് ചേര്‍ന്ന്‌ ഒന്ന്‌ കണ്‍ട് രണ്ട് വര്‍തതമാനം പറഞിരിക്കാന്‍ ഷോപ്പിങ് മാളുകളൊ കോഫിഡെയൊ അല്ലാതെ ഒരു സ്ഥലം തപ്പി നടക്കുന്ന വഴിക്കാണ്‍്‌ ഇവിടെ എത്തിപ്പെട്ടെ - 'ബൊക്ക ഗ്രാന്റെ'. പേര്‌ പോലെ തന്നെ (ബൊക്ക ഗ്രാന്റെ - വലിയ വായ) കത്തി വക്കാന്‍ ഉള്ളവര്‍ക്കായി ഉണ്ടാക്കിയ സ്ഥലം. 
കോറമംഗള പോലീസ് സ്റ്റേഷനു മുന്നിലായി, തിരക്കില്‍ നിന്നു കുറച്ചു മാറി, എന്നാല്‍ റോഡരികില്‍ തന്നെ ആണ്‍്‌ ഈ ആധുനിക ചായക്കട. മുറ്റത്തു (മതിലിനു പുറത്തു) ഒരു വലിയ തണല്‍ മരം ഉള്ളതു കാരണം ചിലപ്പോ കണ്ണിപ്പെടില്ല ഇത്.  
ഗേറ്റ് തുറന്നു അകത്ത് കടന്നാല്‍ ഒരു വശത്ത് വെള്ളാരം കല്ലുകളില്‍ കുറെ ഇരിപ്പിടങള്‍, വാതില്‍ തുറന്ന്‌ കയറിയാല്‍ ചെറു ഗ്രൂപ്പുകളായി സോഫകള്‍, കസേരകള്‍, ഗോവണി വഴി മുകളില്‍ കയറിയാല്‍ വീണ്ടും പല തരത്തിലുള്ള ഇരിപ്പിടങള്‍ - ഇരിക്കാന്‍ ഒരു സ്ഥലം തിരഞെടുക്കാന്‍ തന്നെ ഇച്ചരെ പാടാ -അത്രക്കുണ്‍ടു ഓപ്ഷന്‍സ്. 
ഭക്ഷണപ്രേമികളെ ഒരിക്കലും നിരാശപ്പെടിത്തില്ല ബൊക്ക ഗ്രാന്റെ - സൂപ്പ് മുതല്‍ ഡെസെര്‍ട്ട് വരെ മതിവരുവോളം ആസ്വദിക്കാന്‍ ഇഷ്ടം പോലെ ഐറ്റംസ് - പച്ചകറി ആയാലും, നോണ്‍ വെജ് പ്രേമി ആയാലും. ആദ്യം ഓര്‍ഡര്‍ ചെയ്ത 'ചിക്കന്‍ ആന്റ് മഷ്റൂം സൂപ്പ്' സാമാന്യം നിലവാരം പുലര്‍ത്തി - പക്ഷെ പിന്നാലെ വന്ന 'പൊട്ടറ്റൊ വെഡ്ജ്സ്' അടിപൊളി ആയിരുന്നു.
'ചിക്കന്‍ സീസര്‍ സാലഡ്', 'ഗാര്‍ഡന്‍ സാലഡ്' എന്നിവയും നല്ല നിലവാരം പുലര്‍ത്തി - ചുമ്മാ ഇരുന്നു കത്തി വയ്ക്കുമ്പോ കൊറിക്കാന്‍ പറ്റിയ സാധനം.  
പിസ്സാ പ്രേമികളെ ഒട്ടും നിരാശപ്പെടുത്തില്ല ഇവിടെത്തെ പിസ്സ - നേര്‍ത്ത പിസ്സാ ബേസില്‍ തയ്യാര്‍ ചെയ്ത് എടുക്കുന്ന പേര്‍സണല്‍ സൈസിലെ പിസ്സ തീര്‍ച്ചയായും പരീക്ഷിച്ചു നോക്കെണ്ടതാണ്‌.
കുടിക്കാന്‍ ചോകൊലെറ്റ് മില്‍ക് ഷേക്കും ലിറ്റ്ച്ചി മില്‍ക് ഷേക്കും പരീക്ഷിച്ചു നോക്കിയതില്‍ ലിറ്റ്ച്ചി മില്‍ക് ഷേക്കിന്‌ മധുരം ഇച്ചരെ കൂടുതലായി എന്നതൊഴിച്ചാല്‍ രണ്‍ടും വളരെ നന്നായിരുന്നു. 
ഞങള്‍ ഓര്‍ഡര്‍ ചെയ്ത 'ചിക്കന്‍ കോര്‍ഡണ്‍ ബ്ലു', 'ഗ്രില്‍ഡ് ചിക്കന്‍ വിത്ത് സാള്‍ട്ടിംബൊക്ക' എന്നിവ പ്രതീക്ഷിച്ചതിലും നന്നായി.  
വായില്‍ വെള്ളമൂറിക്കുന്ന നിരവധി തരത്തിലുള്ള കേക്കുകളും ഐസ്ക്രീമുകളും കണ്ടെങിലും വയറില്‍ സ്ഥലമില്ലാത്തതിന്റെ പേരില്‍ അതു പിന്നീടു ആകാം എന്നു വച്ചു, അതിനാല്‍ അതിന്റെ കുറിച്ചു അഭിപ്രായം പറയുന്നില്ല.  
ബൊക്ക ഗ്രാന്റെയില്‍ ഇരുന്നു കത്തിവച്ചു മടുക്കുമ്പോ അതിനുള്ളിലെ ഡിസൈനര്‍ ബൊത്തിക്ക് - ഇറ - ഒന്നു കയറി നോക്കു - വ്യതസ്ഥമായ രീതിയില്‍ വസ്ത്രധാരണം ചെയ്യാന്‍ അവര്‍ സഹായിക്കും (സാമാന്യം കനമുള്ള മടിശ്ശീല ഉള്ളവര്‍ക്കു മാത്രം)

Thursday, September 25, 2008

ആറുമണി നേരമായാല്‍

ഇത്തവണ ഒരു പാട്ട് ആണു പോസ്റ്റ് - മുല്ലയിലെ 'ആറുമുഖം' എന്ന പാട്ടിനെ ഒന്നു മാറ്റി എടുത്ത ഒരു പാരഡി... വെള്ളമടി ഒരു ദേശീയൊത്സവമായി ആഘൊഷിക്കുന്ന എല്ലാ കേരളീയര്‍ക്കും വേണ്‍ഡി ഇതാ - 'ആറുമണി നേരമായാല്‍'

BAR_aarumukham_par...

Wednesday, September 17, 2008

ഓലന്‍ - ബാച്ചിലര്‍ സ്റ്റൈല്‍.

ബാംഗ്ലൂരില്‍ നിന്നു നാട്ടിപോണെന്റെ ഒരാഴ്ച മുന്ന് അമ്മയെ വിളിച്ചു പറയും എന്തൊക്കെ കൂട്ടാന്‍ വേണം എന്ന് - അതില്‍ സ്തിരം ഒരു ഐറ്റം ആണു ഓലന്‍. അല്പം മനസ്സു വച്ചാ, നമുക്കു ഇവിടെ പാചകം ചെയ്യാം ഇതു. ഒരു സിമ്പിള്‍ കൂട്ടാന്‍, പക്ഷെ കിഡിലം ടേസ്റ്റ് (പാചകം ചെയ്യേണ്‍ഡപോലെ ചെയ്താല്‍ ;) ), അധികം എരിവൊ പുളിയൊ ഇല്ലാതതതു കൊണ്‍ഡു മലയാളി അല്ലാതത സഹ മുറിയന്മാര്‍കും ധൈര്യമായി ഇത് വിളമ്പാം.
ചേരുവകള്‍:
നല്ല കുമ്പളങ - ഇടത്തരം ഒന്ന്. തേങാപാല്‍ - ഒരു പാക്കറ്റ് ( ഹോം മെയ്ഡ് ആണു ഞാന്‍ ഉപയോഗിക്കാറ്) ഉണക്ക വന്‍ പയര്‍ - ഒരു പിടി (പിടിടെ അളവു കുമ്പളങെടെ വലുപ്പം പോലെ അഡ്ജസ്റ്റ് ചെയ്യുക) പച്ച മുളക് - 3-4 എണ്ണം. കറിവേപ്പില - ഒരു തണ്ടു. വെളിച്ചെണ്ണ - 2-3 ടേബിള്‍ സ്പൂണ്‍. ഉപ്പ് - സ്വാദിനു.
തയ്യാറാക്കുന്ന വിധം:
വന്‍പയര്‍ 4-5 മണിക്കൂര്‍ വെള്ളത്തില്‍ കുതിര്‍ക്കുക. (വേണമെങില്‍ രാത്രി മുഴുവന്‍ വെള്ളത്തില്‍ ഇടാം) കുമ്പളങ തൊലി കളഞ്ഞു ചെറുതായി, കനം കുറച്ചു അരിയുക. ഒരു പ്രഷര്‍ കുക്കറില്‍ കുമ്പളങയും പയറും കീറിയ പച്ച മുളകും,ഉപ്പും എടുത്ത്, കഷ്ണങള്‍ മുങാന്‍ പാകത്തിനു വെള്ളം ചേര്‍ത്തു അടുപ്പത്തു വക്കുക. പയര്‍ വേവുന്നതു വരെ ഇതു കുക്കറില്‍ പാചകം ചെയ്യുക. അതിനു ശേഷം ഒരു ചീനചട്ടിയിലെക്കു ഇതു പകര്‍ത്തി, ചെറു തീയില്‍ വച്ചു ഇളക്കികൊണ്‍ഡിരിക്കുക. (കുമ്പളങ വേവുമ്പൊ വെള്ളം പുറത്തെക്കു വരും - അതിനാല്‍ വെള്ളം കുറചു മാത്രം ചെര്‍ത്താല്‍ മതി. ) കൂട്ടാന്‍ നല്ലോണം തിളച്ചു കുറുകിത്തുടങുമ്പൊള്‍ എകദേശം കാല്‍ പാക്കറ്റ് തേങാപ്പാല്‍ ഒഴിച്ചു ഇളക്കി അടുപ്പില്‍ നിന്നു ഇറക്കി വക്കുക. അതിലേക്കു വെളിച്ചെണ്ണയും കറിവെപ്പിലയും ചേര്‍ത്തു ഇളക്കി കുറച്ചു നേരം മൂടി വക്കുക. നല്ല സ്വാദിഷ്ടമായ ഓലന്‍ റെഡി. ( കുറച്ചു കൈപുണ്യം ഉന്‍ഡെങില്‍ കൂട്ടാന്‍ അസ്സലാവും - ഉറപ്പ് )

Tuesday, September 16, 2008

ഗാറ്റെ നീഗ്രൊ മെര്‍ലൊട്ട്

ആദ്യതെ പോസ്റ്റ് അല്ലെ, അയിശ്വര്യമായിട്ടു തന്നെ തുടങാം എന്നു കരുതി. ഒരു കുപ്പി ഒക്കെ പൊട്ടിക്കാതെ മലയാളിക്കു എന്തു ആഘൊഷം, അപ്പൊ ആദ്യതെ പോസ്റ്റ് ഒരു കുപ്പിയെ തന്നെ പറ്റി ആവട്ടെ, അല്ലെ?
'മധുലോക' ദ് ലിക്കര്‍ ബൊതിക് - വൈന്‍ മേടിക്കാന്‍ ഇപ്പൊ ഈയുള്ളൊന്‍ സ്തിരം പോകുന്നതു അവിടെക്കാ. ഇത്തവണ, കുറെ നേരം എല്ലാ ഐറ്റത്തെയും വായില്‍ നോക്കി നടന്ന് അവസാനം ഗാറ്റെ നീഗ്രൊ മെര്‍ലൊട്ടില്‍ പൊയി കൈ വച്ചു. ഇവന്‍ ചിലിയില്‍ നിന്നും വരുന്നവനാ - 2006 വിന്റെജ്.  
ചിലിലെ പഴക്കം ചെന്ന (ആഡ്യത്തം ഉള്ള) ലേബലുകളില്‍ ഒന്നാണു ഗാറ്റെ നീഗ്രൊ. സാന്‍ പെഡ്രൊ ആണു ഇവന്റെ തറവാട്. ഇവന്‍ ഒരു 'മീഡിയം ബോഡി' വൈന്‍ ആണു. പൊതുവെ ഫ്രുട്ട് ഫൊറ്വേര്‍ഡ് ആണു ഇവന്റെ സ്വാദ്. അധികം കോംപ്ളെക്സ് അല്ലാത്ത ഘടന, ജാമ്മി പഴത്തിന്റെ ടേസ്റ്റ് മുന്നിട്ടു നില്‍ക്കുന്നു. നല്ല സൂര്യപ്രകാസത്തില്‍ വളരുന്നതു കൊന്‍ഡാവണം, ഒരു വെല്‍വെറ്റി എക്സ്പീരിയന്‍സ് ഈ മെര്‍ലൊട്ട് പകര്‍ന്നു തരുന്നു.  
തന്‍ഡൂരി ചിക്കനും ചീസും ഈ വൈനിന്റെ കൂടെ നന്നായി ചേര്‍ന്നു പോകുന്നു - പക്ഷെ, ചന്നാ മസാല അത്റ നല്ല കോംബിനേഷന്‍ ആയിരുന്നില്ല. 545 രൂപ ആണു ഒരു ബോട്ടിലിനു വില. തികച്ചും ന്യായമായ വിലയാണു ഇതു എന്നാണു എന്റെ അഭിപ്രായം. ഫുഡ് ( ഉപദംശം ) ഇല്ലാതെയും കശിക്കാന്‍ പറ്റിയ വൈന്‍ ആണു ഈ വൈന്‍. ഒരു നല്ല എണ്ട്രി ലെവല്‍ വൈന്‍ - പോക്കട്ടിനു അധികം തളര്‍ച്ച വരാതെ, നല്ലോണം ആസ്വദിക്കാന്‍ പറ്റിയ ഒരു വൈന്‍, അതാണു ഗാറ്റെ നീഗ്രൊ മെര്‍ലൊട്ട്.

Wednesday, August 13, 2008